పేపర్‌డబ్బా న్యూస్ డెస్క్ – జూన్ 29, 2024. ఆంధ్రప్రదేశ్ కాంగ్రెస్ కమిటీ(APCC) చీఫ్ వైఎస్ షర్మిల బీజేపీ, టీడీపీ, వైఎస్ఆర్‌సీపీలపై తీవ్ర విమర్శలు చేశారు. పోలవరం ప్రాజెక్ట్ ముందుకు కదలకపోవడానికి మరియు ఆలస్యానికి ముఖ్య కారకులు వీరేనంటూ విరుచుకుపడ్డారు.
పోలవరం వైఎస్ఆర్ కల
పోలవరం ప్రాజెక్ట్ దివంగత ముఖ్యమంత్రి వైఎస్ఆర్ యొక్క కల, ఇది 28 లక్షల ఎకరాలకు సాగునీరు అందించడానికి ఉద్దేశించింది. అయితే, రాజకీయ తగాదాలు కారణంగా ఈ ప్రాజెక్ట్ ను ముందుకు కదలనియ్యలేదు.
కాంగ్రెస్ జాతీయ హోదా ఇచ్చింది
విభజన సమయంలో, పోలవరానికి కాంగ్రెస్ పార్టీ జాతీయ ప్రాజెక్ట్ హోదా ఇచ్చింది. దీని ద్వారా కేంద్ర ప్రభుత్వం అవసరమైన శ్రద్ధ మరియు నిధులు ఇవ్వగలదు. అయినప్పటికీ, మోడీ సర్కార్ ఈ బాధ్యతను 10 సంవత్సరాలు విస్మరించి నిధులు ఇవ్వకుండా సవతి తల్లి ప్రేమ చూపించింది.
టీడీపీ మరియు పోలవరం విఘాతం
చంద్రబాబు నాయుడు తన పదవీకాలంలో ప్రాజెక్ట్ నిర్మాణాన్ని కేంద్రం నుండి చేపడతామని చెప్పి, మొదటి ఐదేళ్లలో ప్రగతిని సాధించలేదు, పోలవరాన్ని రాజకీయ ఆయుధంగా మార్చారు.
వైఎస్ఆర్‌సీపీ యొక్క రివర్స్ టెండరింగ్ వివాదం
జగన్ మోహన్ రెడ్డి పాలనలో రివర్స్ టెండరింగ్ ప్రవేశపెట్టారు.ఇది ప్రాజెక్ట్ అంచనా వ్యయాన్ని పెంచి, పెద్దగా పురోగతి లేకుండా చేసింది. ప్రాజెక్ట్ ఖర్చు కాంగ్రెస్ హయాంలో 10,000 కోట్ల నుంచి ఇప్పుడు 76,000 కోట్లకు పెరిగింది.
కాంగ్రెస్ పార్టీ డిమాండ్లు
కేంద్ర ప్రభుత్వంతో సంప్రదించి పూర్తి స్థాయి నిధులను తెచ్చి, రాష్ట్రంపై ఆర్థిక భారముపడకుండా పోలవరం పూర్తి చేయాలని అధికార పార్టీని డిమాండ్ చేస్తున్నాను. ఈ ప్రాజెక్ట్ తక్షణమే పూర్తి చేయాలని కాంగ్రెస్ పార్టీ డిమాండ్ చేస్తోంది.
పోలవరం ప్రాజెక్ట్, ఆంధ్రప్రదేశ్‌కు అత్యంత ప్రాముఖ్యమైన జీవనాడి ప్రాజెక్టు. రాజకీయ ఆలస్యం లేకుండా తక్షణమే పూర్తి చేయాలని కాంగ్రెస్ పార్టీ డిమాండ్ చేస్తోంది.
