PaperDabba News Desk: 22 July 2024
పవన్ కల్యాణ్‌ కీలక వ్యాఖ్యలు
ఎన్డీఏ శాసనసభ పక్ష సమావేశంలో డిప్యూటీ సీఎం పవన్ కల్యాణ్‌ కీలక వ్యాఖ్యలు చేశారు. ఎన్నికల్లో ప్రజలు బుద్ధి చెప్పినా జగన్ మోహన్‌ రెడ్డికి ఇంకా తత్వం బోధపడినట్లు లేదని మండిపడ్డారు. జగన్ తీరును ఆయన తీవ్రంగా తప్పుబట్టారు.
తీవ్రంగా విమర్శలు
“నెల రోజుల్లోనే ప్రభుత్వంపై విమర్శలు చేస్తున్నాడు,” అని జగన్ పై పవన్ కళ్యాణ్ ఆగ్రహం వ్యక్తం చేశారు. గ్రూపు తగాదాకు రాజకీయ రంగు పులిమి అవాస్తవాలు చెప్తూ కుట్రలకు తెరలేపుతున్నాడని ఆయన ఆక్షేపించారు.
జగన్ అహంకార ధోరణి
సభలోకి వచ్చే ముందు పోలీసులతో గొడవ, గవర్నర్ ప్రసంగానికి అడ్డు తగలమని ఎమ్మెల్యేలు రెచ్చకొట్టడం జగన్ అహంకార ధోరణికి నిదర్శనమని పవన్ కల్యాణ్‌ అభిప్రాయపడ్డారు. “ఎల్లకాలం అధికారంలో కొనసాగుతానని భ్రమ నుంచి ప్రజలు బయట పడేసినా, ఇంకా తానే సీఎం అనుకుంటున్నాడు” అని ఎద్దేవా చేశారు.
చంద్రబాబుకు సంపూర్ణ మద్దతు
రాష్ట్ర అభివృద్ధి కోసం ఎలాంటి నిర్ణయం తీసుకున్నా చంద్రబాబుకు తాను, జనసేన పార్టీ నూటికి నూరు శాతం సహకరిస్తుందని పవన్ కల్యాణ్‌ స్పష్టం చేశారు.
రాష్ట్ర అభివృద్ధికి పునాది వేసేందుకు మా సహకారం ఎప్పటికీ ఉంటుంది,” అని ఆయన అన్నారు.
