<blockquote> <strong>పేపర్‌డబ్బా న్యూస్ డెస్క్</strong> – డా. వై.ఎస్. రాజశేఖర రెడ్డి, YSR అని అందరూ ముద్దుగా పిలుచుకునే వారు, అనేక ప్రజా సంక్షేమ కార్యక్రమాలు చేపట్టారు. రాజశేఖర్ రెడ్డి 75వ జయంతి సందర్భంగా రాహుల్ గాంధీ ఒక వీడియో ను రిలీజ్ చేశారు. </blockquote>
<h2>నిర్భయ నాయకత్వానికి ప్రతీక YSR </h2>
YSR జీవితాన్ని స్వార్థరహిత సేవకు అంకితం చేసిన నాయకుడిగా గుర్తించాలన్నారు రాహుల్ గాంధీ. ఆయన విధానాలు మరియు అయన చేపట్టిన కార్యక్రమాలు ప్రజల సంక్షేమం దృష్టిలో పెట్టుకుని రూపొందించేవారు. ఆయన ఆకస్మిక మరణం రాష్ట్రానికి తీరని లోటూగా నిలిచిందని రాహుల్ గాంధీ తెలిపారు. అయన ఇప్పటికి బతికి ఉండిఉంటే… ఆంధ్ర ప్రదేశ్ అభివృద్ధి మరో విధంగా ఉండేదని అయన పేర్కొన్నారు.
<h2>ఆంధ్రప్రదేశ్ కోసం YSR </h2>
YSR ఆరోగ్యం, విద్య మరియు గ్రామీణ అభివృద్ధిపై దృష్టి పెట్టారు. ఆయా ఆరోగ్య శ్రీ ఆరోగ్య పథకం మరియు విద్యార్థుల కోసం ఫీజు రీయింబర్స్‌మెంట్ వంటి కార్యక్రమాలు ప్రధానంగా ప్రజల మన్ననలు పొందాయి. YSR సమగ్ర అభివృద్ధిలో నమ్మకం ఉంచారు, అభివృద్ధి ప్రయోజనాలు రాష్ట్రం నలుమూలలకు చేరుకోవాలని నిర్ధేశించి ప్రణాళికలు రూపొందించేవారని రాహుల్ కొనియాడారు.
<h2>ప్రజా నాయకుడు</h2>
YSR ప్రజలతో ప్రత్యక్షంగా మమేకం అయ్యే నేతగా ప్రసిద్ధి చెందారు. ఆయన విస్తృత పాదయాత్రలు (నడక యాత్రలు) ప్రజల సమస్యలను అర్థం చేసుకొని పరిష్కరించడానికి ఆయన కట్టుబాటును చూపించాయి. ఈ నేరుగా ప్రజలతో సంబంధం సాధించే పద్ధతి ఆయనకు అపార గౌరవాన్ని మరియు ప్రేమను తెచ్చింది.
<h2>ప్రస్తుత నాయకులపై YSR ప్రభావం</h2>
రాహుల్ గాంధీ ఇటీవల ప్రసంగంలో తన భారత్ జోడో యాత్రకు YSR పాదయాత్ర స్ఫూర్తిగా నిలిచినట్టు అన్నారు. YSR ప్రజలతో నడకలో ఎండ , వర్షాన్ని లెక్క చేయకుండా కలిసిపోయారు అని రాహుల్ గాంధీ పేర్కొన్నారు. ఈ విధంగా YSR నాయకత్వం కొత్త తరాల రాజకీయ నాయకులకు స్ఫూర్తినిస్తుందని తెలిపారు. YSR కుమార్తె వై.ఎస్. షర్మిల ఆయన వారసత్వానికి తగిన వారసురాలిగా నేను భావిస్తున్నాను. ఆమె నాయకత్వంపై నాకు బలమైన నమ్మకం ఉందని నమ్మకం వ్యక్తం చేశారు. YSR ధైర్యం, సిద్ధాంతాలు మరియు నాయకత్వ లక్షణాలు షర్మిలలో కూడా కనిపిస్తున్నాయని అన్నారు. ఆమె నాయకత్వంలో పార్టీ మరింత బలోపేతం అవుతుందని రాహుల్ తన అభిప్రాయాన్ని వ్యక్తం చేశారు.
<blockquote> ఆయన ఉమ్మడి ఆంధ్రప్రదేశ్‌కు చేసిన కృషి, ప్రజా సేవ ఎప్పటికి ఉన్నత ప్రమాణంగా నిలుస్తుంది. ఆయన 75 వ జయంతి సందర్భంగా, మనం ఒక నాయకుడికి ఘన నివాళులు అర్పిస్తున్నాము.</blockquote>
https://youtu.be/vetIcKGGM_0
