PaperDabba News Desk: 20 July 2024
గోదావరి ఉగ్రరూపం
భద్రాచలం దగ్గర గోదావరి నది ఉగ్రరూపం దాల్చింది. తెలంగాణతో పాటు ఎగువ ప్రాంతాల్లో కురుస్తున్న భారీ వర్షాలకు గోదావరిలోకి వరద నీరు చేరటంతో ప్రవాహం అంతకంతకు పెరుగుతోంది. ఈ పరిస్థితితో భద్రాచలం ప్రాంతంలో నివసించే ప్రజలను ఆందోళనకు గురి చేస్తోంది.
భారీ వర్షాల ప్రభావం
భారీ వర్షాల కారణంగా ఏజెన్సీ గ్రామాల్లోని వాగులు పొంగిపొర్లుతున్నాయి. ఉదయం 8 గంటలకు భద్రాచలం దగ్గర గోదావరి నదిలో నీటిమట్టం 31.5 అడుగులకి చేరుకుంది. గోదావరి నది ఇంతటి గరిష్ట స్థాయికి చాలా సంవత్సరాల తరువాత మళ్ళీ చేరుకుంది.
సురక్షిత చర్యలు
గోదావరి ఉప్పొంగి ప్రవహిస్తుండటంతో లోతట్టు ప్రాంతాల ప్రజలను సురక్షిత ప్రాంతాలకు తరలించాలని జిల్లా కలెక్టర్ ఆదేశాలు జారీ చేశారు. ఇప్పటికే రామాలయం స్నానాల ఘాట్ నీటి మునిగింది. పలు గ్రామాలకు విద్యుత్ సరఫరా నిలిచి పోయింది. వరద ఉధృతి నేపథ్యంలో ముంపు ప్రాంతాల ప్రజలు అప్రమత్తంగా ఉండాలని అధికారులు సూచిస్తున్నారు.
ప్రభావిత ప్రాంతాలు
ఈ వరద ప్రభావం భద్రాచలం పరిసర ప్రాంతాలకు పెద్ద ఎత్తున ఉన్నట్టు తెలుస్తోంది. రైతులు తమ పంటలను రక్షించుకోవడానికి ప్రయత్నిస్తున్నారు. పలు గ్రామాలు పూర్తిగా నీటమునిగినవి, రవాణా వ్యవస్థలు స్తంభించినవి. విద్యార్థులు, ఉద్యోగులు తమ గమ్యస్థానాలకు చేరుకోవడానికి ఇబ్బందులు పడుతున్నారు.
ప్రజల అప్రమత్తత
ప్రభావిత ప్రాంతాల ప్రజలు అప్రమత్తంగా ఉండాలని అధికారులు సూచిస్తున్నారు. సహాయ కార్యక్రమాలు కొనసాగుతున్నాయి. అలాగే ప్రజలుకూడా తమ తమ సొంత భద్రత కోసం అవసరమైన జాగ్రత్తలు తీసుకోవాలని అధికారాలు కోరుతున్నారు.ఇంటి వద్ద ఉంటూ అత్యవసర సమయాల్లో మాత్రమే బయటకు రావాలని అధికారులు ప్రజలను హెచ్చరిస్తున్నారు.
ఈ పరిస్థితి ఇంకా కొన్ని రోజులు కొనసాగే అవకాశముంది. ప్రజలు అప్రమత్తంగా ఉండి, అధికారుల సూచనలు పాటించాలి.
