కింజరాపు అచ్చెన్నాయుడు విలేఖరుల సమావేశం

కింజరాపు అచ్చెన్నాయుడు విలేఖరుల సమావేశం వివరాలు…

• రాజధాని కేసు సుప్రీం కోర్టులో ఉండగా విశాఖ రాజధాని అని జగన్ అనడం.. సైకో సీఎం అనడానికి నిదర్శనమని టీడీపీ రాష్ట్ర అధ్యక్షులు అచ్చెన్నాయుడు పేర్కొన్నారు.
• మంగళవారం ఆయన విడుదల చేసిన వీడియోలో మాట్లాడిన మాటలు మీ కోసం..
• రాష్ట్ర ముఖ్యమంత్రి ఒక సైకో అని మేం ముందునుంచి చెబుతూ వస్తున్నాం.
• నేడు అది నూటికి నూరు పాళ్లు నిజమైంది. 2019 ఎన్నికలకు ముందు జగన్ ఆంధ్రప్రదేశ్ రాష్ట్రానికి ఏకైక రాజధాని అమరావతి అని.. తాను అమరావతిలోనే ఇల్లు కట్టుకున్నాను.. ఎట్టి పరిస్థితుల్లోను అమరావతిని మార్చనని స్పష్టం చేశారు.
• ఇలా చెప్పి ఎన్నికలకు వెళ్లి గెలిచిన జగన్మోహన్ రెడ్డి ఎన్నికలయ్యాక ఆంధ్రప్రదేశ్ ప్రజల మధ్య చిచ్చు పెట్టాలని చూస్తు్న్నారు.
•  రాష్ట్రాన్ని మళ్లీ విభజన చేయాలని ప్రయత్నిస్తున్నారు.
•  మూడు ముక్కల పేరుతో మూడు రాజధానుల డ్రామా అడుతున్నారు.
•  ఈ ముఖ్యమంత్రి ప్రభుత్వంపైగానీ, వారి కుటుంబంపైగానీ, ఆయనపైగానీ సమస్య వచ్చినప్పుడు దాన్ని డైవర్ట్ చేయడానికి, పక్కదారి పట్టించడానికి రాజధాని ఇష్యూని తెరపైకి తెస్తుంటారు.
•  రాష్ట్ర రాజధాని విషయంలో చట్టం చేసే అధికారం ప్రభుత్వానికి లేదు అని స్వయంగా హైకోర్టు చెప్పింది. దీనిని మేం కొట్టేస్తున్నాం అని హైకోర్టు చెప్పింది.
•  ఆంధ్రప్రదేశ్ కి ఏకైక రాజధాని అమరావతి అని శాసనసభకి రాజధానిని మార్చే అధికారం లేదని హైకోర్టు స్పష్టం చేసింది.
•  హైకోర్టు ఇచ్చిన తీర్పును రాష్ట్ర ప్రజలు గమనించాలి.
•  వెంటనే వైసీపీ నాయకులు మళ్లీ సుప్రీం కోర్టుకు వెళ్లడం జరిగింది. సుప్రీం కోర్టును స్టే అడిగారు. తాము స్టే ఇవ్వమని సుప్రీం కోర్టు చెప్పింది. కేసు స్వీకరించి సుప్రీం కోర్టులో కేసు నడుస్తోంది.
• ప్రస్తుతం ఈ సైకో ముఖ్యమంత్రి ఢిల్లీ వెళ్లి ఢిల్లీలోని ఓ సమ్మిట్లో మాట మార్చారు.
•  ఆంధ్రప్రదేశ్ కి ఏకైక రాజధాని విశాఖపట్నం అని చెప్పారు. నేను కూడా త్వరలో షిఫ్ట్ అవుతున్నానని ప్రకటన చేశాడు. దీన్ని బట్టి ఈ ముఖ్యమంత్రిని సైకో కాకపోతే ఏమనాలి?
•  ముఖ్యమంత్రి బాబాయి హత్య కేసు గురించి దేశ వ్యాప్తంగా చర్చ నడుస్తోంది.
•  సీబీఐ కూడా దర్యాప్తు ముమ్మరం చేసింది.
•  జగన్ సోదరుడు ఎంపి అవినాష్ రెడ్డిని ఏ సమయంలోనైనా అరెస్టు చేసే పరిస్థితులు ఉన్నాయి.
•  జగన్ కుటుంబ సభ్యుల ఆడియో రికార్డులు లీక్ అవుతున్న సందర్భంలో.. దీనిమీద ప్రతి ఒక్కరు చర్చించుకుంటున్న తరుణంలో ఈ ఇష్యూని దారి మళ్లించాలని చూస్తున్నారు.
•  ఆంధ్రప్రదేశ్ ప్రజల దృష్టిని మళ్లించాలనే ఉద్దేశంతోనే విశాఖపట్నం రాజధాని అని చెబుతున్నారు. కొత్త డ్రామా మొదలుపెట్టాడు.
•  విశాఖపట్నం రాజధాని కావాలని ఎవరూ అడగలేదు. దోపిడీ చేసుకోవడానికే విశాఖను రాజధాని అంటున్నారు.
•  ఇప్పటికే 40 వేల కోట్ల రూపాయలు విలువ చేసే భూములను దోచుకున్నారు.
•  విశాఖవాసులు వారి స్థలాలను కాపాడుకోవడానికి తీవ్ర అవస్థలు పడుతున్నారు.
•  వారి ఆస్తులను దోచుకోవడానికి వైసీపీ నాయకులు ప్రయత్నిస్తు్న్నారు.
•  ప్రభుత్వ ఆస్తుల్ని తనఖా పెట్టుకోవడానికి, అమ్ముకోవడానికి విశాఖపట్నం రాజధానిని మార్చాలని చూస్తున్నారు.
•  రాజ్యాంగం ప్రకారం ఎన్నుకోబడిన ముఖ్యమంత్రి రాజ్యాంగాన్ని గౌరవించాలి.
• రాజ్యాంగంపై ముఖ్యమంత్రికి ఏమాత్రం విశ్వాసం ఉన్నా చెప్పిన మాటకు కట్టుబడి ఉండాలి.
•  మూడు రాజధానుల ఇష్యూ సుప్రీం కోర్టులో ఉంటే విశాఖ రాజధాని అనడం సైకో విధానానికి నిదర్శనమని టీడీపీ రాష్ట్ర అధ్యక్షులు అచ్చెన్నాయుడు వివరించారు.