రామోజీ,పవన్, చంద్రబాబులకు నందిగం సురేష్ సవాల్

ఎంపీ నందిగం సురేష్ సవాల్

రామోజీ, బాబుల సొంత ఊళ్ళల్లో ఎస్సీలకు ఎవరి హయాంలో మేలు జరిగిందో చర్చిద్దామా

వైఎస్ఆర్ కాంగ్రెస్ పార్టీ ఎంపీ శ్రీ నందిగం సురేష్ ప్రెస్ మీట్ః

• ఎస్సీలపై లేని ప్రేమను రామోజీ-బాబులు ఒలకబోస్తున్నారు
•  ఎస్సీల్లో ఎవరన్నా పుట్టాలనుకుంటారా.. అన్న బాబును రాజకీయాల్లో కొనసాగించాలా లేక జైల్లో పడేయాలా?
• ఈనాడు రామోజీ బొజ్జ రాక్షసుడిలా తయారయ్యాడు
• ఈనాడు చూడకూడదు, చదవకూడదు, మాట్లాడకూడదు
• కుళ్ళు, కుట్రలకు బ్రాండ్ అంబాసిడర్లు రామోజీ, బాబు
• బాబు హయాంలో పొలంబడి, చంద్రన్న పెళ్ళి కానుక, ఎన్టీఆర్ ఉద్యోన్నతి, మా ఇంటి మహాలక్ష్మిలకు ఎస్సీ సబ్ ప్లాన్ నిధులు మళ్ళిస్తే రామోజీ కళ్ళకు కనిపించలేదా?
• దళితుల పిల్లలు ఇంగ్లీషు మీడియం చదవకూడదని లెక్చర్లు ఇచ్చింది మీరు కాదా..?
• ఎస్సీల్లో ఎవరన్నా పుట్టాలనుకుంటారా అన్న బాబు చంకనెక్కిన పవన్ కల్యాణ్ ఎస్సీలను ఉద్ధరిస్తాడా..?
• పవన్ కల్యాణ్ ఏనాడైనా ఎస్సీ, బీసీలను సభల్లో తన పక్కన కూర్చోబెట్టుకున్నాడా..?
• లోకేష్ పాదయాత్ర వల్ల పార్టీలో కాదు.. అతని శరీరంలో మార్పు వస్తుంది-ఎంపీ నందిగం సురేష్

ఎంపీ నందిగం సురేష్ మాట్లాడుతూ.. ఇంకా ఏమన్నారంటే…

• ఎస్సీ ఎస్టీ సబ్‌ ప్లాన్‌పై ఈనాడు తప్పుడు రాతలు.
• చంద్రబాబు, రామోజీలు ఏనాడైనా బడుగు బలహీన వర్గాలపై ప్రేమ చూపించిన దాఖలాలు లేవు. వారు ఎప్పుడూ దళితులను, గిరిజనులను చిన్నచూపే చూశారు.
• ఎస్సీలంటే ఎప్పుడూ చిన్నచూపుతోనే ఉండే వారికి ఇప్పుడు ఆకస్మాత్తుగా ఎస్సీలు గుర్తుకువచ్చారు, లేని ప్రేమను ఒలకబోస్తున్నారు
• టీడీపీ హయాంలో ఎస్సీ ఎస్టీ సబ్‌ ప్లాన్‌ నిధులను పక్కదారి పట్టించి, ఇతర పథకాలకు వాడినప్పుడు ఈనాడు రామోజీకి ఇలాంటి రాతలు రాయాలనిపించలేదు.

 టీడీపీ హయాంలో 2018-19 ఎస్సీ సబ్ ప్లాన్ ను తీసుకుందాంః

• ఇందులో 9వ ఐటమ్ చూడండి.. పొలం బడి అని ఉంది.
• అలాగే, 12,13 ఐటమ్స్ పొలం పిలుస్తోంది – చంద్రన్న రైతు క్షేత్రాలు అని పెట్టారు.
• అలాగే, డ్వాక్రా మహిళలకు ఇచ్చిన శానిటరీ నాప్ కిన్లు, సామాజిక పెన్షన్లు.. ఇవన్నీ ఎస్సీ సబ్ ప్లాన్ లోనే చేర్చేశారు.
• అంతేకాకుండా, ఎన్టీఆర్ సుజల స్రవంతిని కూడా ఎస్సీ సబ్ ప్లాన్ లో భాగం చేసేశారు.
•  చంద్రన్న పెళ్ళి కానుక, ఎన్టీఆర్ ఉద్యోన్నతి, మా ఇంటి మహాలక్ష్మి, పిల్లలకు పౌష్టికాహారం, అన్న అమృతహస్తం.. అంటూ ఇలా ప్రతి పథకాన్నీ టీడీపీ ప్రభుత్వం ఎస్సీ, ఎస్టీ సబ్ కాంపొనెంట్ లో భాగంగా చూపింది.
• మరి టీడీపీ హయాంలో ఇలాంటి వార్త రాయాలని అనిపించని ఈనాడు, రామోజీ.. ఇప్పుడు పెన్షన్లు, గోరుముద్దల ఖర్చులు కూడా సబ్ ప్లాన్ లోనే వేసేశారు, ఇది తప్పు అంటూ నిన్న బ్యానర్ వేసేశారు. అంటే దీని అర్థమేమిటి..?, ఏ సామాజికవర్గం మీద ప్రేమ?
• ఎస్సీ, ఎస్టీల మీద ప్రేమ అంటారా.. లేక.. ఎస్సీ, ఎస్టీలంటే రామోజీ-చంద్రబాబు, మేమే ఎస్సీలం, మేమే ఎస్టీలం అంటారా..?
• చంద్రబాబు తన ఐదేళ్ల కాలంలో ఎస్సీలకు కేవలం 33 వేల కోట్ల రూపాయలు మాత్రమే ఖర్చు చేశారు
• అదే, జగన్మోహన్‌రెడ్డి గారు ఈ మూడున్నరేళ్లలోనే ఎస్సీల సంక్షేమం కోసం రూ.48 వేల కోట్లకు పైగా ఖర్చు చేశారు.

మీ సొంత గ్రామాల్లో ఎస్సీలకు ఎంతిచ్చామో లెక్కలు తీద్దామా..?

• కడుపు నిండా కుళ్లు, కుట్రలు, కుతంత్రాలతో రామోజీ ఓ బొజ్జ రాక్షసుడిలా తయారయ్యాడు.
• ఇలాంటి నీచ సంస్కృతి కలిగిన వ్యక్తి జగన్‌ గారి గురించి, ఈ ప్రభుత్వంపైన అడ్డగోలు రాతలు రాయడం దారుణం
• రామోజీ సొంత గ్రామంలోగానీ, చంద్రబాబు సొంత గ్రామంలోగానీ.. ఎస్సీలకు చంద్రబాబు ఎంతిచ్చాడు..మేము ఎంతిచ్చామో లెక్కలు తీద్దామా..?. సవాల్ విసురుతున్నాను. మీరు సిద్ధమా..
• మేము ఆ గ్రామాల్లో ఎంత ఇచ్చామో కరపత్రాల ద్వారా గడప గడపకూ మా ఎమ్మెల్యేలు వివరిస్తున్నారు
• అందుకే, ఈనాడు పేపర్‌ను చదవుకూడదు…చూడకూడదు.. మాట్లాడకూడదు.

ఎస్సీల్లో ఎవరైనా పుట్టాలనుకుంటారా అన్న చంద్రబాబు మీకు గొప్పా?

• ఎస్సీల్లో ఎవరైనా పుట్టాలని కోరుకుంటారా అన్న చంద్రబాబు గురించి రామోజీ ఘనంగా రాతలు రాస్తాడు
• రాజధాని ప్రాంతంలో ఎస్సీలకు ఇళ్ల ప్లాట్లు ఇస్తామంటే.. డెమోగ్రఫిక్ ఇంబ్యాలెన్స్ వస్తుందని అడ్డుకున్న చంద్రబాబు గురించి మాత్రం రామోజీ రాయడు.
• పైగా, చంద్రబాబుకు భజన చేస్తూ, అలా ఇళ్ళ పట్టాలు ఇస్తే.. సామాజిక సమతుల్యత దెబ్బతింటుందని ఈ పచ్చ మీడియా ఆనాడు రాతలు రాశారు
• అలాంటి వారు ఆకస్మికంగా ఎస్సీ, ఎస్టీ సబ్‌ ప్లాన్‌ అంటూ మామీద లేని ప్రేమ చూపిస్తున్నారు
• చంద్రబాబు ఆనాడు ఎస్సీలకు ఇచ్చిన పథకాలు కూడా లబ్ధిదారుల ఇంటికి చేరలేదు
• జగన్‌ గారి ప్రభుత్వంలో నేరుగా లబ్ధిదారుడి ఖాతాల్లోకి డీబీటీ ద్వారా వెళ్తున్నాయి

ఎనాడైనా ఎస్సీ, బీసీలను పక్కన కూర్చోబెట్టుకున్నావా పవన్‌…?

• ఏనాడైనా పవన్‌ కళ్యాణ్‌…తన సభల్లో తన అన్నను, నాదెండ్ల మనోహర్‌లను తప్ప బీసీ, ఎస్సీ, ఎస్టీ, మైనార్టీ వర్గీయులను పక్కన కూర్చోబెట్టుకున్నాడా..?
• అలాంటి పవన్‌ కళ్యాణ్‌ కూడా ఎస్సీ, ఎస్టీ సబ్‌ ప్లాన్‌ గురించి మాట్లాడటం హాస్యాస్పదం
• జనసేన నుంచి ఒకే ఒక్క ఎమ్మెల్యే ఎస్సీ సామాజిక వర్గానికి చెందిన వ్యక్తి గెలిస్తే ఆతన్ని వెంటేసుకుని ఎక్కడికైనా వెళ్లావా..?
• ఎస్సీల్లో ఎవరన్నా పుట్టాలనుకుంటారా అన్న చంద్రబాబు చంకనెక్కిన పవన్‌ కళ్యాణ్‌ కూడా మా గురించి మాట్లాడుతుంటే ప్రజలు నవ్వుకుంటున్నారు
• రామోజీ సిగ్గు, బిడియం అన్నీ వదిలేశాడు…ఈ వయసులోనూ నీచమైన రాతలు రాస్తున్నాడు
• మీరు ప్రభుత్వంపైన తప్పుడు ప్రచారం చేస్తూ ఎస్సీ, ఎస్టీలను అణగదొక్కాలని చూస్తున్నారని మర్చిపోవద్దు
• రామోజీ డైరెక్షన్‌లో ఎన్టీఆర్‌ని పైకి పంపించిన ఈ దుష్టచతుష్టయం అంతా అక్రమ మార్గంలోనే నడుస్తున్నారు
• ఎస్సీలకు ఉన్నత స్థానాలు రాకూడదు..ఎప్పుడూ చంద్రబాబే పరిపాలించాలని వారు కోరుకుంటున్నారు
• చంద్రబాబు తప్ప వేరే సామాజికవర్గానికి చెందిన వ్యక్తిని వారు సిఎంగా సహించలేని పరిస్థితి ఉంది
• ఇలాంటి వ్యక్తులు మాకు అవసరం లేదనే 2019లో ఎస్సీలంతా పచ్చ గ్యాంగ్‌ను పక్కన పెట్టారు
• మీకు ధైర్యం, చిత్తశుద్ధి ఉంటే మీరేం చేశారో.. ప్రజలకు చెప్పే దమ్ముందా..?. మేమేం చేశామో చెబుతాం.
• ఇప్పటికే మా ఎమ్మెల్యేలు ఇంటింటికీ వెళ్లి ఎంతెంత మేలు చేశామో చెప్తూనే ఉన్నారు
• కుక్కమూతి పిందెలు లాంటి వ్యక్తులు లోకేష్, చంద్రబాబు, పవన్‌ కళ్యాణ్‌లను అధికార పీఠం ఎక్కించడానికి మీరు చేస్తున్న కుట్రలు కుతంత్రాలు ఫలించవు.
• మరోసారి మీ అందర్నీ బంగాళాఖాతంలో కలపడానికి ప్రజలు సిద్ధంగా ఉన్నారు
• జగన్మోహన్‌రెడ్డి గారు తమను సొంత అన్నలా చూసుకుంటున్నాడని ఎస్సీలు భావిస్తున్నారు

మీరు ఇచ్చిన హామీలు ఏనాడైనా ప్రజలకు చేరాయా..?

• జగన్‌ గారు ఇచ్చిన ప్రతి హామీని.. చెప్పినవీ, చెప్పనివి కూడా నెరవేర్చారు.
• 33 లక్షల ఇళ్లు ఇస్తుంటే వాటిపై అక్కసు వెళ్లగక్కుతారు
• మా పిల్లలు ఇంగ్లీషు మీడియం చదువుకుంటే మీకు భయం
• ఈ మూడున్నరేళ్లలో ప్రజలంతా చాలా సంతోషంగా ఉన్నారు
• అభివృద్ధి అంటే ఆకలితో ఉన్న వారి కడుపునిండాలి.. ఇది మేం ఎంచుకున్న అభివృద్ధి. మా జీవితాలు బాగుపడాలి.
• చంద్రబాబు హయాంలో అభివృద్ధి అంటే జన్మభూమి కమిటీల పేరుతో టీడీపీ కార్యకర్తలు దోచుకుతినడమే
• కుళ్లు, కుట్రలు వారి జన్మహక్కు అన్నట్లు రామోజీ, చంద్రబాబు బతుకుతున్నారు
• ఎందుకు పనికిరాని లోకేష్‌ని, నిలకడే లేని పవన్‌ కళ్యాణ్‌ని, మోసమే జీవితం అనే చంద్రబాబును గద్దెనెక్కించడానికి చేస్తున్న ప్రయత్నాల్లో భాగమే మాపై తప్పుడు రాతలు.
• కనీసం వార్డు మెంబర్‌గా గెలవని లోకేష్‌కి కూడా సిఎం సీటుపై ఆశ ఉంది. నిలకడలేకుండా ఏ పార్టీతో ఎప్పుడు వెళ్తాడో కూడా తెలియని పవన్‌ కళ్యాణ్‌ లెక్చర్లు ఇస్తున్నాడు. వీళ్లంతా కలిసి ఈ రాష్ట్రాన్ని ఏదో చేసేయాలి అనుకుంటే కుదరదు. పెన్నూ వారిదే…పేపరూ వారిదే కాబట్టి నోటికొచ్చింది రాసుకుంటున్నారు

టీడీపీ, రామోజీ రాతలనే పవన్‌ కళ్యాణ్‌ వళ్లిస్తాడు

• ఎస్సీల్లో పుట్టాలని ఎవరు కోరుకుంటారు అన్న చంద్రబాబును పవన్‌ కళ్యాణ్‌ పశ్నించాలి కదా..?. అలా ప్రశ్నించకపోగా, ఆయన చంకనెక్కి నీతులు చెబుతాడు.
• పవన్‌ టీడీపీ వారు ఇచ్చే స్క్రిప్ట్‌ చదవడం మానేసి, తన సొంతగా ఏదైనా ఎజెండా ఉంటే మాట్లాడితే బాగుంటుంది.
• టీడీపీ, రామోజీ రాసే రాతలే పవన్‌ మాట్లాడుతున్నాడు
• లోకేష్‌ ఖాళీగా ఉండి ఏం చేస్తాడు…పాదయాత్ర చేసుకోనివ్వండి. ఆయన్ను అడ్డుకోడానికి లోకేష్‌ ఏమీ పెద్ద పనోడు అయితే కాదు.
• లోకేష్ పాదయాత్ర వల్ల వాళ్ళ పార్టీలో మార్పు సంగతి ఏమోగానీ, శరీరంలో మార్పు వస్తుందేమో.